Wavinya Amtaka Raila Kuunga Mkono Kalonzo La Sivyo Apoteze Kura Za UKambani
Gavana wa Machakos Wavinya Ndeti ameshikilia msimamo wake kwamba kinara wa Azimio Raila Odinga anafaa kumuunga mkono Kalonzo Musyoka kuwania urais 2027.
Hii ni mara ya pili kwa Wavinya kuwasha moto kwa Raila.
Siku chache zilizopita wakati wa zoezi la ushirikishwaji wa umma kuhusu ugavi wa fedha katika afisi ya chifu wa Kathiani, gavana huyo alimwambia Raila kujibu usaidizi wa zamani wa Kalonzo au awe tayari kuachana na jamii ya Wakamba.
Ijumaa, akizungumza katika soko la Masinga wakati wa zoezi kama hilo, gavana huyo alirudia wito huo akisema Wakati huu Raila anapaswa kuelewa kwamba wamemchoka na anapaswa kujibu kwa heshima uungwaji mkono wa Kamba kwa kumuunga mkono Kalonzo.
Amesema jamii ya Kamba imekosa kuungwa mkono na serikali za kitaifa kutokana na kumuunga mkono Raila.
Kulingana na Wavinya iwapo Raila atakosa kutii wito wake, jamii ya Kamba itatengana naye na kuunda muungano na Rais William Ruto kwa ajili ya maendeleo.
About The Author
