Waandamanaji 46 Waliokamatwa Kufikishwa Mahakamani Leo
Maafisa wa Polisi jana Jumanne waliwakamata watu 46 wanaohusishwa na wizi, uchomaji na uharibifu mbaya wa mali katika maeneo ya Nairobi na Nyanza wakati wa maandamano.
Kulingana na Waziri wa Mambo ya Ndani Kithure Kindiki, washukiwa 14 wakuu walinaswa jijini Nairobi huku 32 wakikamatwa katika maeneo tofauti ya eneo la Nyanza wakati wa maandamano ya kupinga serikali ya Azimio la Umoja.
Katika kaunti ya Nairobi, gari la PSV Reg. KBV362 liliteketezwa na kuwa majivu kando ya Barabara ya Ngong huku Kampuni ya Juja Shell Petrol ilishambuliwa na kuibiwa mitungi 12 ya gesi kabla ya kuharibu pampu za mafuta na magari yaliyokuwa yameegeshwa katika majengo hayo kulingana waziri Kindiki.
Aliongeza kuwa Katika sehemu za Kisumu, Homa Bay na Migori ndani ya Mkoa wa Nyanza, makundi ya watu wenye silaha kali waliingilia mtiririko wa magari na kuharibu vioo vya mbele vya magari kadhaa kwa kurusha mawe.
Washukiwa wote watafikishwa mahakamani leo hii Jumatano.
About The Author
