Rais Ruto Afanya Uteuzi Zaidi Wa Shirika La Serikali
Aliyekuwa Mbunge wa Kanduyi Alfred Khang’ati ameteuliwa kuwa Mwenyekiti wa Bodi ya Wakurugenzi wa Kampuni ya Sukari ya Nzoia.
Atahudumu kwa muda wa miaka mitatu kuanzia Februari 17, 2023.
Khang’ati ambaye aliwahi kuwa Waziri Msaidizi katika Ofisi ya Waziri Mkuu wakati wa serikali ya mseto aliteuliwa na Rais William Ruto katika notisi ya Gazeti la Februari 16, 2023.
Anakabiliwa na kibarua kigumu cha kuvuta pumzi mpya kwa Kampuni ya Sukari ya Nzoia, kampuni ambayo imesongwa na madeni na kufikia hatua ya kukaribia kulemaza utendakazi wake huku wakulima wakiimba nyimbo za maombolezo zisizoisha kutokana na mapato duni.
Rais Ruto pia amemteua Samson Kipkoech Some kuwa Mwenyekiti wa Bodi ya Wakurugenzi ya Bodi ya Hazina ya Utalii.
Baadhi yao watahudumu kwa muda wa miaka mitatu kuanzia Februari 17, 2023 kufuatia kubatilishwa kwa uteuzi wa Alphonse Kioko.
Kwa upande mwingine, Dkt. Abdillahi Ibrahim ameteuliwa kuwa Mwenyekiti wa Bodi ya Wakurugenzi ya Taasisi ya Utafiti wa Matibabu ya Kenya.
Atahudumu sawa kwa kipindi cha miaka mitatu kuanzia leo.
About The Author
