NTSA Kukaguzi magari Kutumia Mfumo mpya
Sekta ya kibinafsi sasa itaweza kuanzisha kampuni za kukagua na kupendekeza magari kwa matumizi ya barabara ikiwa mswada mpya wa Mamlaka ya Kitaifa ya Uchukuzi na Usalama (NTSA) utapitishwa.
Kanuni ya NTSA 2022, ambayo kwa sasa iko katika hatua za ushirikishwaji wa umma inalenga kubadilisha sheria ili kuruhusu wakala wa huduma za ukaguzi wa rasilimali kutoka kwa makampuni mengine kote nchini, jukumu ambalo chini ya sheria ya sasa limetengwa kwa NTSA pekee.
Kwa mujibu wa kanuni zilizopendekezwa, itachukuliwa kuwa ni kosa kuendesha au kumiliki gari bila cheti cha ukaguzi.
Zaidi ya hayo, kubadilisha cheti chochote cha ukaguzi kinachotolewa na NTSA au kituo kingine cha ukaguzi pia kutachukuliwa kuwa kosa chini ya sheria zinazopendekezwa za trafiki.
Madereva wanaojaribu kushinda mfumo kwa kutumia cheti cha ukaguzi kilichopewa gari lingine pia watazingatiwa kuwa wamekiuka kanuni za rasimu.
Akizungumza katika chuo cha ufundi cha North Eastern Polytechnic kaunti ya Garissa baada ya kufanya kongamano la ushiriki wa umma na washikadau kutoka eneo la kaskazini mashariki mwenyekiti wa NTSA Aden Ali amesema kuwa hatua hiyo inalenga kupunguza ajali za barabarani kwa kuhakikisha kuwa kila gari barabarani linafaa kuwa barabarani.
Aden amendelea kusema kuwa wakala wa udhibiti wa uchukuzi pia unashughulikia sheria ya kudhibiti sekta ya boda boda ambayo itahitaji kila mwendeshaji kuwa katika Sacco iliyosajiliwa sawa na magari ya huduma ya Umma.
Naibu mkurugenzi wa ukaguzi wa magari wa NTSA Opere Joel amesema ili kushughulikia maswala ya kubadilisha magari na vyeti baada ya ukaguzi, NTSA inaendesha huduma zao kiotomatiki kwa kuchukua picha za magari yaliyokaguliwa na kuyaweka katika mfumo wao kama dhibitisho la hali hiyo ya gari wakati wa ukaguzi.
NTSA inatarajiwa kuandaa mijadala ya ushiriki wa umma kote nchini ili kuwaelimisha madereva kuhusu sheria ya ukaguzi.
About The Author
