Rais Ruto Kuzuru Kaunti Za Kisii Na Nyamira Mwezi Ujao
Uongozi wa jamii ya Gusii umeweka orodha ya matakwa kwa Rais William Ruto atakapozuru kaunti za Kisii na Nyamira. Rais ruto Atatumia fursa ya ujio wa Waziri wa Elimu Ezekiel Machogu kuzuru eneo hilo.
Mkutano katika hoteli ya Nairobi hivi majuzi umevutia takriban wataalamu 200 kutoka eneo hilo ambapo Walikubaliana kwamba ili mkoa uendelee kama wengine, kuna haja ya kushirikisha utawala kwa njia yenye maana.
Wataalamu hao walijadili masuala kadhaa, ikiwemo pamoja na kufanya kazi kwa karibu na waziri Machogu kwa ajili ya ujio wake ambao utasimamiwa na rais Ruto hivi karibuni.
Hata hivyo, hata jamii inapotarajia ziara ya Rais ambayo itamfikisha katika kaunti hizo mbili, wataalamu hao wamezingatia zaidi mchango wa jamii hiyo kwa serikali ya sasa.
Aliyewania urais bila mafaniko Walter Mong’are, almaarufu Nyambane amebainisha kuwa bila kujali misimamo ya kisiasa au matokeo ya uchaguzi uliopita wa urais, jambo pekee la busara ni kuunga mkono serikali ya wakati huu kutekeleza ahadi zake.
Gavana wa Kisii Simba Arati, mtangulizi wake James Ongwae, aliyekuwa Mbunge wa Kitutu Masaba Walter Nyambati, Naibu Chansela wa Chuo Kikuu cha Egerton Prof Isaac Kibwage, John Simba, mkuu wa Tume ya Uwiano na Utangamano (NCIC) Skitter Ocharo miongoni mwa wengine wengi walihudhuria mkutano huo.
Aliyekuwa Naibu Gavana wa Kisii Joash Maangi, mwenyekiti wa kamati ya maandalizi ya kurejea nyumbani kwa Machogu pia alihudhuria.
About The Author
