Rais Ruto Akutana Na Wabunge Wa Nyanza
Rais William Ruto jana Jumanne jioni alifanya mkutano na baadhi ya wabunge kutoka eneo la Nyanza katika Ikulu ya Nairobi.
Kwa mujibu wa taarifa iliyotumwa kwenye vyumba vya habari kutoka Ikulu, Mkuu huyo wa nchi aliwahakikishia viongozi hao kuwa utawala wake utashirikiana na viongozi kutoka sehemu zote za nchi bila kujali itikadi zao za kisiasa.
Rais pia alikariri kujitolea kwake kuwahudumia Wakenya wote kwa haki na usawa.
Viongozi hao wanasemekana kuzungumzia hali ya mipango na miradi ya serikali inayoendelea mkoani humo.
Viongozi waliohudhuria ni pamoja na wabunge Gideon Ochanda (Bondo), Tom Ojienda (Kisumu), Caroli Omondi (Suba Kusini), Elisha Odhiambo (Gem), Mark Nyamita (Uriri), Paul Abuor (Rongo) na Felix Odiwuor (Lang’ata).
Wengine walikuwa Katibu wa Baraza la Mawaziri la ICT Eliud Owalo na Waziri wa Mambo ya Ndani Raymond Omolo
About The Author
