Passaris Amtetea Naibu Rais Rigathi Gachagua
Mwakilishi wa Wanawake wa Nairobi Esther Passaris ametetea maoni ya Naibu Rais Rigathi Gachagua kwamba Wabunge wanaopinga Mswada tata wa Fedha wa 2023 wasitarajie pesa zozote za miradi kama vile barabara katika maeneo bunge yao.
Katika ibada ya kanisa huko Leshuta katika Kaunti ya Narok, naibu rais alisema serikali inategemea mswada huo kukusanya mapato na kwa hivyo, wabunge wanapaswa kuunga mkono kikamilifu ikiwa wanatarajia kupata pesa za maendeleo.
Kulingana na Passaris maoni ya Gachagua yalipotoshwa.
Katika mahojiano ya Jumanne asubuhi na wanahabari, mwakilishi huyo wa kike amedai kwamba naibu rais ailimaanisha kuwa serikali inahitaji kuwatoza Wakenya ushuru ili kuweza kufadhili miradi ya miundombinu.
Gachagua alikuwa akirejelea hafla ya Harambee aliyohudhuria katika Shule ya Sekondari ya St Charles Lwanga katika Kaunti ya Kitui siku ya Jumamosi, ambapo Mbunge wa Kitui ya Kati Makali Mulu alisema kuwa Mswada huo unapaswa kupigwa chini.
Katika hafla ya Jumamosi, Gachagua alisisitiza kuwa Mswada wa Fedha wa 2023 lazima upitishwe jinsi ulivyo, akisema hailengi akili kuitaka serikali kujenga shule, kukarabati barabara na kuweka miundomsingi mingine, huku wakati uo huo “akikataa kuongeza kodi.”
Gachagua alitangulia kuwakashifu wanasiasa wa upinzani kutoka muungano wa Azimio La Umoja One Kenya ambao wanapinga mswada huo akisema, “Hata ukipiga kelele na kuweka sufuria kichwani, hata ukiukataa mswada huo ukidhani hautaweza.” kupita, huna nambari na huo ndio ukweli, hakuna haja.”
About The Author
