KEMSA Yafuta Zabuni Zilizoidhinishwa
Mamlaka ya Ugavi wa Dawa nchini (KEMSA) imebatilisha orodha ya wasambazaji wote waliohitimu awali kufuatia utata unaohusu michakato ya ununuzi ndani ya Mamlaka hiyo.
Katika kikao na wanahabari, Mwenyekiti wa Bodi ya KEMSA Irungu Nyakera alibainisha kuwa mchakato huo utaanza upya ili kuhakikisha kuwa mchakato huo mpya utachagua makampuni ambayo yanaafiki viwango vinavyohitajika.
Aidha, alieleza kuwa bodi hiyo itapitia upya mikataba yote inayoendelea ili kuthibitisha kuwa ilifanyiwa mchakato wa haki.
Alikariri kuwa hatua hizo zitasaidia sana katika kuhakikisha ufanisi na uwajibikaji ndani ya mfumo wa usimamizi wa ugavi wa KEMSA.
Zaidi ya hayo, Nyakera aliagiza ukaguzi wa watumishi wote ndani ya wiki mbili ufanyike ili kuhakiki na kuwabakiza watumishi wote wanaotoa thamani kwa Mamlaka. Sambamba na hayo, Nyakera alisitisha uajiri wa wafanyikazi wapya katika KEMSA.
Habari hizi zinakuja huku shirika la kimataifa la ufadhili na ushirikiano, The Global Fund, likilazimika kufuta zabuni ya vyandarua ya Ksh3.7 bilioni kutokana na mchakato wa manunuzi usio wa kawaida wa Mamlaka.
Hii ni baada ya shirika hilo la kigeni kubaini kuwa kampuni hizo tatu ambazo zilikuwa zimefuzu na KEMSA zilikuwa na zabuni zisizofaa.
Mchakato wa zabuni ulitiwa alama huku shirika la kigeni likiikosea kamati ya zabuni kwa kuegemea upande wa baadhi ya wazabuni.
Kufuatia kashfa hiyo, Rais William Ruto alifuta uteuzi wa Naibu Waziri wa Afya Josephine Mburu na kuvunja bodi nzima ya KEMSA.
Mkurugenzi Mtendaji wa Bodi ya Mamlaka hiyo Terry Ramadhani ni miongoni mwa watumishi wanane waliosimamishwa kazi ili kupisha uchunguzi wa suala hilo.
About The Author
