Seneta Wa Migori Eddy Oketch Amsuta Rais Ruto
Seneta wa Migori Eddy Oketch ameikashifu serikali kutokana na kile anachodai kuwa uteuzi wake katika utumishi wa umma umeegemezwa upande mmoja.
Akizungumza kwenye runinga moja leo hii Ijumaa, Seneta huyo amekashifu utawala wa Kenya Kwanza unaoongozwa na Rais William Ruto kuhusu uteuzi wake wa hivi majuzi ambao alisema unapendelea wafuasi wa kisiasa wa chama hicho.
Seneta Oketch ameteta kuwa utawala wa sasa haukushauriwa kuamini kwamba kuteua sehemu ya watu kutoka eneo au kabila fulani kunachukuliwa kuwa ngome yake ni sawa na kuwatunuku wafuasi wao.
Kulingana naye, katika uchaguzi uliofanyika nchini, haiwezekani kubaini ikiwa mtu alikupigia kura au la, na kwa hivyo haikuwa haki kuwawekea wapiga kura misimamo mikali kuhusiana na eneo lao au jamii ya kabila.
Matamshi ya Seneta huyo yanajiri baada ya Mwakilishi wa Wanawake wa Kirinyaga Njeri Maina, ambaye pia alikuwa kwenye kipindi hicho, kutetea serikali akisema ilikuwa tu ikiwatuza wafuasi wake kwenye Uchaguzi Mkuu wa Agosti 2022.
Aidha Seneta Oketch ameendelea kuikosoa serikali akiishutumu kwa ukabila na upendeleo, na kuongeza kuwa maovu hayo yanadhuru mustakabali wa nchi.
Kwa hivyo, amemshauri Rais Ruto kuonyesha umahiri kwa kuwa idadi ya uchaguzi uliopita ilionyesha ushindi wake uliegemezwa na wachache kati ya jumla ya wapiga kura waliojiandikisha kwenye sajili ya Tume Huru ya Uchaguzi na Mipaka (IEBC).
About The Author
