Wizkid Amwonyesha Davido Upendo
Wasanii wa Nigeria wamezidi kuonyesha ushirikiano kutokana na jinsi ambavyo wamekuwa wakitumia nafasi wanazozipata kusambaza upendo kwa kuwapa nafasi wasanii wenza kwa kusambaza Kazi zao katika kurasa zao mbalimbali za kijamii. Hii imetokea kwa Wizkid baada ya Album ya Davido ya Timeless kuachiliwa saa chache.
SOMA PIA:Davido Kuiachia Timeless Mwishoni Mwa Mwezi Machi
Akiwa bado na ngoma yake ya Money Vs Love, Wizkid ametumia majukwaa yake ya mitandao ya kijamii kusambaza upendo kwa kuweka Albumu ya Davido katika ukurasa wake wa Instagram pamoja na Twitter.
Katika hatua hiyo Wizkid pia aliandika na jumbe ukiwataka mashabiki wote kusikiliza kazi hiyo yenye jumla ya mikwaju 17 yenye mvuto wa Afrobeat kutokea Nigeria.
Hili ni jambo jema pale unapoona wasanii wenye hadhi moja ya kimataifa katika Taifa kama Nigeria lenye ushindani wa kimziki walionesha ushirikiano katika kazi za wasanii wenzao.
Sambamba na Wizkid pia kutokea Tanzania msanii Diamond Platnumz naye amechukua wasaa wake kusambaza upendo katika Albumu hiyo kupitia ukurasa wake wa Instagram. Ikumbukwe pia Diamond alishawahi kumshirikisha Davido katika Number one remix iliyotokea mwaka 2014.
About The Author
