Davido Kuiachia Timeless Mwishoni Mwa Mwezi Machi
Mwanamuziki kutokea Nigeria David Adedeji Adeleke anayejulikana kwa jina la kisanii kama Davido amevunja ukimya mara baada ya kuachia video pamoja na taarifa juu ya kuachiwa kwa albumu yake ya nne
Davido alivunja ukimya huo kupitia ukurasa wake wa Instagram alioamua kuusafisha kwa kubakisha picha tatu pekee mara baada ya kuweka picha ya jina la Albumu yake hiyo aliyoipa jina la TIMELESS.
SOMA PIA:Abby Chams Akana Kuwa Na Tofauti na Paula
Mwishoni mwa wiki iliyopita kulikuwepo na picha zilisambaa zikionesha orodha ya traki zilizosakikika kuwa katika album ya Davido sambamba na majina ya wasanii mbalimbali.
Lakini wiki hii uvumi huo umekanushwa na mwanamuziki huyo licha ya kuwa bado hajatoa orodha ya majina ya nyimbo zilizoko katika albumu yake hiyo pamoja na wasanii aliowashirikisha.Kwa sasa alichofanya Davido ni kutaja jina la albumu pamoja na tarehe atakayoiachia albumu hiyo ambayo ni tarehe 31 ya mwezi Machi.
Kwa ujumbe aliouacha Davido katika kutangaza jina la albumu hiyo inaonesha dhahiri ya kuwa bado kuna maumivu juu ya kumpoteza mwanawe wa kiume aliyefanikiwa kumpata na mkewe Chioma
About The Author
