Ben Githae Akana Kumsaidia DJ Fatxo
Mwanamuziki maarufu wa Kikuyu Ben Githae amekana kuwa katika kundi linalolenga kuchanga pesa kumsaidia DJ Fatxo kwa Gharama za Kisheria.
Ripoti ziliibuka kuwa wanamuziki walikuwa wameunda kikundi cha WhatsApp ili kuchangisha pesa ili mwimbaji wa Mugithi DJ Fatxo alipe mawakili baada ya mbunifu wa mambo ya ndani Jeff Mwathi mwenye umri wa miaka 23 kufariki akiwa nyumbani kwake.
“Hatuko katika kundi lolote. Hizo ni propaganda tu, lakini tunaomba haki, na hiyo inafaa kuandamana na ukweli,” Ben Githae alisema.
Githae alifafanua kuwa wasanii wengi aliozungumza nao kuhusu madai hayo wamekana kuwa sehemu ya kundi lolote.
Githae pia aliwataka wananchi kuzipa taasisi zinazohusika na kesi hiyo muda wa kufanya kazi.
Ben Githae pia alizungumza kuhusu shutma wanazopata kutoka kwa mashabiki mambo yanapoharibika, na umoja walio nao miongoni mwao kama wasanii.
Tasnia ya muziki kwa sasa inakabiliwa na msukosuko kutokana na vifo ambavyo vimetokea chini ya Mazingira Yasiyofahamika.
Mwanamuziki wa Injili wa Kikuyu Mirugi Dishon pia yuko papo hapo baada ya mpenzi wake wa zamani mchungaji aliyejulikana kama Elizabeth Wanjiru kufariki nyumbani kwake.
About The Author
