Seneta Wa UDA Afafanua Kuanzisha Safu ya Gachagua-Ndindi Nyoro kwenye Vita Vya Kumrithi Ruto
Seneta wa Murang’a, Joe Nyutu, ametaka wakazi kuidhinisha Mbunge wa Kiharu, Ndindi Nyoro, kuwa mrithi wa Rais William Ruto.
Wakati wa mahojiano katika kituo kimoja cha redio humu nchini , seneta wa United Democratic Alliance (UDA) alisema kwamba alichochea kaunti ya Murang’a kupigia rais ruto kura, kinyume na madai ya wengi kwamba wangemchagua kinara wa upinzani Raila odinga.
Kulingana na Nyutu Kama Wakenya kutoka Murang’a, wangependa mkuu wa nchi atoke katika kaunti yao baada ya Gachagua kujiondoa katika siasa.
Aidha amebainisha kuwa anaamini katika maandalizi ya mapema, na tayari alikuwa ameanzisha hatua ya kumchagua Nyoro kuwa rais katika siku za usoni.
Nyoro kwa upande wake amekanusha na kupuuzilia mbali ripoti kuwa anataka kumrithi William Ruto kama rais na kusisitiza kuwa anafanyia kazi wananchi.
Mbunge huyo ameangaziwa baada ya kuzindua mpango wa elimu, “Kiharu Masomo Bora,” ambao utawawezesha wazazi kulipa Ksh1,000 kwa muhula kwa wanafunzi wa shule za upili za kutwa za umma.
Kwa hivyo wazazi watalipa Ksh15,000 kwa mwaka au Ksh5,000 kwa kila muhula kwa kila mwanafunzi. Mpango wake uliibua umaarufu wake ndani ya eneobunge lake na Mlima Kenya kwa jumla, jambo lililozua hofu kuwa alikuwa akijiweka katika dhamira ya kupunguza umaarufu wa Gachagua.
Nyoro pia alivutia mioyo ya Wakenya baada ya kuzindua mpango wa kusawazisha karo za shule za upili hadi Ksh1,000 kwa wasomi wa kutwa katika eneo bunge lake.
Mnamo Februari 15, mbunge wa Kiharu alitangaza kuwa mpango huo uliopewa jina la Masomo Bora utapunguza Ada hadi Ksh1,000 kwa kila muhula katika Shule zote za Sekondari za Siku 60 na kugharamia takriban wanafunzi 14,000.
About The Author
