Kesi Ya Kamishna Masit Yakamilika, Mahakama Yatoa Pendekezo Kwa Rais Ruto
Kusikilizwa kwa kesi ya kutaka kuondolewa kwa Tume Huru ya Uchaguzi na Mipaka (IEBC) Irene Masit ilikamilika Jumatatu baada ya mawakili wanaowakilisha pande zote mbili kutoa ushahidi wao wa mwisho.
Katika kikao hicho, IEBC ilikuwa ikitaka kumfukuza kamishna Irene Massit kutoka kwa tume hiyo kutokana na ukiukaji mkubwa wa Katiba kufuatia mienendo yake katika Uchaguzi Mkuu wa Agosti 2022.
Mahakama inayoongozwa na Jaji Aggrey Muchelule, iliyokuwa ikichunguza suala hilo, sasa itarudi nyuma kutoa mapendekezo kuhusu hatima ya Masit kwa Rais William Ruto ambaye ndiye mamlaka ya uteuzi.
Jaji Mucheule alitoa matamshi yake ya mwisho akisema kwamba mawakili wanaowakilisha pande hizo mbili, Peter Munge (IEBC) na Donald Kipkorir (Masit), hawatatarajiwa kutoa ushashidi wowote zaidi kuhusiana na uchunguzi huo.
Wakili Munge kwa upande wake, alisema kuwa kuna ushahidi dhahiri kutoka kwa mashahidi waliotoa ushahidi mbele ya mahakama ya kumtimua kamishna Masit na kwamba Wakili Kipkorir anakosa ushahidi thabiti wa kuthibitisha kuwa hana hatia.
Aliongeza kuwa Masit hakuwasilisha shahidi yeyote katika ushahidi wake na hakupinga madai yoyote yaliyotolewa dhidi yake
Wakili Kipkorir aliambia mahakama hiyo kwamba ikiwa kweli mashahidi hao makamishna wa zamani wa IEBC Abdi Guliye, Boya Molu, mwenyekiti Wafula Chebukati na Mkurugenzi Mkuu Mtendaji Hussein Marjan walikuwa sehemu ya matukio yaliyosababisha uchunguzi huo basi wao pia wanapaswa kuwajibika.
Uchunguzi huo awali ulikuwa unawalenga makamishna wa ‘Cherera Four’ lakini wote walijiuzulu kabla ya kuanza kusikilizwa na kumwacha Masit kama kamishna pekee anayehusika na uchunguzi huo.
Ilianza Disemba 2022 na kesi ya mashahidi ilikoma Januari 24 huku mwenyekiti wa zamani wa IEBC Chebukati akitoa ushahidi wake kuwa wa mwisho.
About The Author
