Mwendesha Pikipiki Azungumzia Mahusiano Na Linet Toto
Mwendesha bodaboda, Gideon Cheruyiot, amekanusha ripoti kwamba alikuwa kwenye mahusiano na mwakilishi wa wanawake wa Bomet Linet Chepkorir almaarufu Toto.
Mnamo Alhamisi, Januari 16, alishikilia kuwa aliisaidia tu kampeni ya Toto wakati wa Uchaguzi Mkuu wa 2022.
Kama Wakenya wengine, Cheruiyot alifichua kwamba alifahamu kuhusu uchumba wa Toto kwenye mitandao ya kijamii Siku ya Wapendanao, Jumanne, Februari 14.
Ameelezea furaha kutokana na ushirikiano wa mbunge huyo wa Kaunti na kumtakia kila la kheri katika ukurasa mpya wa maisha.
“Nilijitolea kumsaidia kampeni, na hatukufikia kiwango cha kuingia kwenye uhusiano. Nilikuwa mtu wa kujitolea ambaye alitoa pikipiki yangu na mafuta.bKama wengine, sikujua pia kwamba alikuwa amechumbiwa. Nilipata habari kwenye mitandao ya kijamii. Nina furaha kwa sababu amepiga hatua nzuri,” mendesha bodaboda alisema.
Cheruyiot pia alieleza kuwa alikuwa na uhusiano mzuri na mbunge huyo, akiongeza kuwa wanazungumza masuala mbalimbali mara kwa mara.
Hata hivyo, alisisitiza kuwa bado anategemea mbunge huyo amsaidie kuboresha maisha yake huku akiwashukuru Wakenya kwa kuwaita Toto kumpa kazi.
“Ninangoja tu anisaidie pia kuboresha maisha yangu jinsi maisha yake yalivyoboreka. Najua hatutazungumza mara kwa mara kama tulivyozungumza kwa sababu unajua pia kazi ya ubunge inadai,” alisema.
Toto alichumbiwa na mchumba wake Godfrey Kimutai kwenye hafla ya faragha Siku ya Wapendanao. Mbunge huyo wa awamu ya kwanza alitangaza uchumba wake alipokuwa akishiriki picha za tukio hilo.
“Na hatimaye nikasema ndiyo. Wewe ni mmoja kati ya milioni. Mungu awe nasi katika safari hii. Happy valentine’s day sweetheart, nakupenda,” alitangaza.
Kufuatia uchumba wake, ilidaiwa kuwa Toto alimwacha mwendesha bodaboda, kutokana na uhusiano wa karibu waliokuwa nao wawili hao kabla ya uchaguzi wa Agosti 9, 2022.
About The Author
