Rais Ruto Kuongoza Maombi ya Kitaifa Jumapili Ijayo
Rais William Ruto anatarajiwa kurejea katika uwanja wake wa kisiasa kwa ibada ya maombi ya kitaifa, miezi kadhaa baada ya kushinda uchaguzi mkuu wa Agosti 9.
Tangu Rais Ruto ashinde, hajazuru uwanja wake wa kisiasa baada ya kufanya ziara tatu pekee tangu Septemba 5, wakati Mahakama ya Juu ilipoidhinisha ushindi wake.
Naibu wake Rigathi Gachagua jana alikutana na magavana wa Bonde la Ufa kabla ya ibada kubwa ya maombi itakayofanyika Februari 12, katika kaunti ya Nakuru. Mafanikio ya uchaguzi wa Agosti 9 yatapamba moto huku viongozi hao wakijiandaa kutoa shukurani kwa uchaguzi wa amani na mabadiliko ya amani. Rais William ruto aliongoza kwa kura katika kaunti saba za Bonde la Ufa ambazo ni pamoja na Baringo, Bomet, Elgeyo Marakwet, Kericho, Nandi, Pokot Magharibi na Uasin Gishu.
Kaunti saba ziliongeza nafasi yake ya ushindi kwa kumpa kura milioni 1,602,807 kwa pamoja. Maombi hayo makubwa ya kitaifa pia yataangazia changamoto inayokabili utawala wa Rais Ruto ambayo ni pamoja na ukame, kufufua uchumi haraka na matumizi mabaya ya dawa za kulevya.
Watakaohudhuria ni pamoja na mwenyeji gavana Susan Kihika wa (Nakuru), Simon Kachapin wa (Pokot Magharibi), Hillary Barchok wa (Bomet), Erick Mutai wa (Kericho), Stephen Sang’ wa (Nandi), Wisley Rotich wa (Elgeyo Marakwet) na Jonathan Bii wa (Uasin Gishu).
Rais Ruto ameweka uongozi wake kuwa uliojikita zaidi katika dini kwa kuhudhuria ibada kadhaa za shukrani katika maeneo mbalimbali nchini. Tangu aingie madarakani Septemba 13, mwaka jana Mkuu wa Nchi ameongoza mkutano wa maombi katika eneo la Mlima Kenya pamoja na ngome za upinzani.
About The Author
