Rais Ruto Kuzuru Narok Jumapili Hii
Wakaazi wa Narok wanamtaka rais William Ruto kuzungumzia mikakati yake ya gharama ya juu ya maisha, atakapokuwa kwenye kaunti hiyo jumapili hii kwa ibada ya shukrani.
Ikumbukwe kwa sasa kuna mvutano kati ya Gavana Patrick ole Ntutu aliyetangulia kumzuia mkosoaji wake, seneta Ledama Olekina dhidi ya kuhudhuria hafla ya kanisa akimwambia afuatilie kwenye mitandao ya kijamii na kutoa taarifa kwenye runinga.
Seneta Ledama Olekina kwa upande wake alimjibu kiongozi huyo wa kaunti akisema kuwa yuko kila mahali na nguvu zake ziko kila mahali.
Akizungumza na runinga moja humu nchini Seneta Ledama aliendelea kufichua zabuni haramu iliyotolewa na uongozi wa kaunti inayoongozwa na Gavana Patrick Ntutu akisema kuwa tayari amepokea taarifa kuhusu afisi yake.
About The Author
