Mchungaji Ezekiel Apata Ushindi
Mchungaji Ezekiel Odero amepata ushindi mkubwa baada ya serikali kufungua tena kituo chake cha televisheni kuruhusu wafuasi wake zaidi ya milioni 10 kupata mahubiri yake.
Televisheni ya World Evangelism ilizimwa mwezi Aprili baada ya serikali kuongeza uchunguzi kuhusu vifo vya Shakahola kutokana na mahubiri ya kidini.
Kituo hiki kinamilikiwa na Kituo cha Maombi cha New Life International na Kanisa ambapo Ezekiel ndiye mwinjilisti wa televisheni.
Kumekuwa na vita mahakamani na Ezekiel akitaka kurejeshwa kwa mawimbi ya TV.
Mhubiri huyo aliambia mahakama kuwa alikuwa akipoteza Sh10 milioni kila wiki kutokana na kufungwa kwake jambo ambalo lilimaanisha mamilioni kushindwa kufuata ibada.
Hii leo Alhamisi, kanisa hilo lilitangaza kufungua tena kituo chake cha televisheni na kumshukuru Mungu kwa hatua hiyo.
“Kwa familia ya Newlife, tunampa Mungu utukufu wote. Sasa tuko angani, satelaiti bila malipo katika nchi za Kenya, Uganda, Tanzania, Rwanda, Burundi, Ethiopia, Kongo na Kongo DR,” kanisa lilisema chaneli rasmi ya Youtube.
About The Author
