Raila :Kuwa Tayari Kwa Maandamano
Kiongozi wa muungano wa upinzani Azimio La Umoja Raila Odinga amewataka wakenya kuwa tayari kwa maandamano kote nchini iwapo serikali haitatii wito wa kupunguza gharama ya maisha.
Akizungumza katika Chungwa House hii leo Jumatano alipokutana na wanachama wa Jumuiya ya Gusii wanaoishi Nairobi, . Odinga amesema utawala unaoongozwa na Rais William Ruto umekuwa ukiziba masikio yake kwa Wakenya wakiwemo wale wanaojiita wavamizi waliowaunga mkono katika uchaguzi uliopita.
Kiongozi huyo wa upinzani amesema Alhamisi atahutubia taifa kuhusu Mswada tata wa Fedha wa 2023, pamoja na wenzake katika Muungano wa Azimio La Umoja, na “atapiga tarumbeta” kuwapa Wakenya njia ya kusonga mbele.
“Wanataka kuwasilisha mswada tata bungeni kesho kwa kusomwa mara ya pili na kisha Waziri wa Hazina awasilishe taarifa ya bajeti Alhamisi wiki ijayo. Wamedhamiria kuipitisha, lakini Wakenya watapinga,” alisema.
Kiongozi huyo wa Azimio amesema miezi minane ya utawala wa Kenya Kwanza, Wakenya wameteseka zaidi kuliko hapo awali chini ya tawala zilizopita na kwamba sasa wamechoka.
About The Author
