Gachagua Ashtumu Vyombo Vya Habari
Naibu Rais Rigathi Gachagua ameendelea na mashambulizi yake kwenye vyombo vya habari akidai Vilikua dhidi ya Kenya Kwanza wakati wa kampeni.
Akiongea hii leo Alhamisi wakati wa Sherehe za Siku ya Madaraka huko Embu,naibu rais ameshutumu vyombo vya habari kwa kuwa na upendeleo wakati wa kampeni za uchaguzi wa urais wa mwaka jana.
Amemtaka mkubwa wake Rais William Ruto kuangazia maendeleo na kuwapuuza wale aliosema wameazimia kumvuruga na kusema viongozi wanapaswa kujitokeza na kumuunga mkono Rais ili kuruhusu nchi iondokane na madeni ya umma na kufadhili maendeleo.
“Tunataka kukuhakikishia (rais Ruto) kwamba Wakenya wengi wako nyuma yako usijali wale wanaotuharibia, hawakukupa nafasi ya kufanikiwa, kwa kuwa wanaona unachukua hatua za vitendo, wanapiga kelele na kuleta propaganda zinazofanywa na serikali. waandishi wa habari na hatujali kwa sababu vyombo vya habari sote tunajua vilikuwa sehemu ya kikosi cha Azimio,” alidai.
Gachagua amesema Rais anafaa kuhama kwa kujiamini kwa sababu Wakenya wako nyuma yake.
Hii si mara ya kwanza kwa gachagua kushambulia vyombo vya habari, mara kadhaa amevishambulia vyombo vya habari akizituhumu kuwa na upendeleo.
Mnamo Mei 24, Gachagua alidai kuwa vyombo vya habari havikuwa vikitoa umuhimu kwa mafanikio ya serikali ya Kenya Kwanza bali vinaangazia Azimio.
About The Author
