Ajali Mbaya Yatokea Nakuru
Watu wanne miongoni mwao mwanafunzi wamefariki usiku wa kuamkia leo baada ya basi walimokuwa wakisafiria kutoka Kisumu kuelekea Nakuru kuacha njia na kubingiria kwenye mtaro eneo la Twin kwenye barabara kuu ya Nakuru – Eldoret.
Kulingana na dereva wa basi hilo ambaye alipatwa na majeraha madogo, alikuwa akikwepa kugongana na lori lililokuwa likija ndipo aliposhindwa kulidhibiti gari hilo na kuwagonga baadhi ya wanafunzi.
Msimamizi wa Matibabu wa Hospitali ya Kaunti Ndogo ya Molo Dkt Susan Wanjiku amesema watu 17 bado wanapokea matibabu katika hospitali ya Molo huku wawili kati ya wagonjwa hao wakihamishiwa katika hospitali ya Nakuru P.G.H.
Marehemu aliyeaga alipelekwa Kituo cha Polisi cha Mausummit.
Kamanda wa Polisi wa Kuresoi Kaskazini, Judah Gathenge alithibitisha kutokea kwa ajali hiyo.
About The Author
