Mwili Wa Mwanafunzi Wa Kike Wa Chuo Kikuu Aliyetoweka Wapatikana Ukielea Mtoni
Mwili wa mwanafunzi wa kike wa chuo kikuu ulipatikana jana Jumatatu ukielea kwenye mto Nyangores katika kaunti ya Bomet.
Polisi wameutaja mwili huo kuwa wa Mary Ann Wangari mwenye umri wa miaka 22, mwanafunzi wa mwaka wa nne katika chuo kikuu cha Bomet.
Kulingana na Naibu Kamanda wa Polisi wa Kaunti ndogo ya Bomet Ali Bashir, mwanafunzi huyo alitoweka wiki jana Jumanne ambapo kufikia siku aliyopatikana tayari mwili ulikuwa umeanza kuoza.
Mwili wa marehemu ulipelekwa katika hifadhi ya maiti ya hospitali ya rufaa ya Longisa.
About The Author
