Wanawake Wawili Wakamatwa
Polisi wanawashikilia wanawake wawili kuhusiana na uwezekano wa kutekwa nyara kwa msichana wa miaka 12 wa Sudan Kusini ambaye alitoweka.
Siku mbili baada ya runinga ya moja humu nchini kuangazia kisa hicho, Akolde Dut Paul alijisalimisha kwa kituo cha polisi na mwanamke huyo aliyedai kuwa alimpata mtoto huyo akirandaranda na kumpeleka nyumbani kwake.
Ndani ya nyumba yao katika eneo la Hazina, South B, familia ya Akolde inashukuru sana baada ya kurejea kwa binti yao ambaye alitoweka kwa wiki 2.
Ajak Marial, jamaa, alisema: “Mwanamke aliyempata alisema alimpata akizurura mjini na akaenda naye nyumbani. Hivyo alipoona kisa hicho kwenye ruinga, ndipo alipoamua kuja kumkabidhi kwa polisi. Hapo ndipo tulipompata Akolde. Tumefurahi sana kwamba tumempata salama na mzima.”
Polisi wamemzuilia mwanamke aliyemrejesha mtoto aliyetoweka katika kituo cha polisi baada ya kisa hicho kupeperushwa, pamoja na mwandani wake.
Familia ya Akolde inasema polisi wanachunguza uwezekano wa utekaji nyara, wakihoji ni kwa nini mwanamke huyo alishindwa kuripoti kesi hiyo kwa polisi alipompata mtoto huyo na badala yake kumweka nyumbani kwake kwa wiki mbili.
Familia hata hivyo inasema itamrudisha mtoto huyo katika nchi yake ya kuzaliwa Sudan Kusini, ambako ataunganishwa tena na mamake.
Panda Paul, shangazi ya msichana huyo, alisema: “Nina furaha sana kwamba tumempata akiwa salama, na ninataka kuthamini kila mtu aliyeshiriki. Nilikuwa nikifikiria labda kuna jambo baya limemtokea. Lakini tunamshukuru Mungu yuko salama.”
Mjomba wake Luelbai Paul, kwa upande wake, aliongeza: “Mpango wa familia ni kumrudisha Sudan Kusini; tunataka kwenda kumuelewa na kuzungumza naye. Bado ni mapema sana na labda bado ana kiwewe tunahitaji kumpa muda wa kutulia. Mama yake pia ana wasiwasi na anasubiri kumuona.”
Akolde alipotea Machi 23; alikuwa ametumwa kwenye duka kubwa la karibu kununua baadhi ya vitu.
Duka lilimshtaki kwa wizi wa duka na kumpeleka nyumbani kuleta mzazi. Hapo ndipo mtoto huyo alipotoka nje ya duka hilo kuu na kuonekana kutoweka, na kuiacha familia yake katika uchungu na kuzua msako uliochukua wiki mbili.
About The Author
