Diamond Akutana Na Mwanawe Pamoja Na Tanasha Donna
Mtoto wa Tanasha Donna, Naseeb Junior alipelekwa na mamake Tanasha Donna kumtembelea babake, Diamond Platnumz, mwishoni mwa wiki.
Video ya hivi majuzi ya Diamond na Naseeb Junior wakipanda gari lake la Rolls Royce Cullinan imesambaa kwenye mitandao ya kijamii wengi wakifurahia.
Katika moja ya video hizo, mlango wa nyuma wa gari ulipofunguliwa, Diamond na Naseeb walishuka wakiwa wamevalia mavazi meupe na yenye mandhari ya Kiarabu.
Aliyekuwa msemaji wa timu ya Yanga HAJI Manara alikuwa karibu kuwakaribisha kabla ya kuwaongoza kupitia zulia jekundu hadi nyumbani kwake.
Katika video nyingine tena ndani ya nyumba ya Manara, Diamond alizungumza kwa upendo na mtoto wake wa miaka mitatu.
Mashabiki wa mwanamuziki huyo kwenye mitandao ya kijamii walisherehekea muungano wa baba na mtoto wake.
Katika mahojiano yaliyopita, Tanasha alisema msanii huyo wa Bongo Flava humtumia pesa kwa ajili ya kumtunza, shule na kila kitu anachohitaji mtoto wao.
About The Author
