Chaneli Ya YouTube Ya Alikiba Yadukuliwa
Staa wa bongo fleva nchini Tanzania Alikiba amepoteza chaneli yake ya YouTube kwa wadukuzi.
Wadukuzi hao walichukua hatamu na kubadilisha chaneli ya YouTube ya Alikiba yenye watu milioni 1.6 waliojisajili hadi kuwa na jina jipya, Tesla inc.
Wadukuzi wanatumia chaneli hiyo kutangaza video za kashfa za ‘live-Streaming’ zilizorekodiwa awali zinazomshirikisha Mkurugenzi Mkuu Mtendaji wa Tesla Elon Musk.
Alikiba amekuwa akipakia muziki kwenye chaneli hiyo kwa miaka mingi na umekuwa maarufu kwa mashabiki wake ambao huwa na hamu ya muziki mpya.
Hata hivyo, Kwa bahati mbaya kwa kila mtu anayehusika, imekuwa chaneli ya hivi punde ya wasifu wa juu kuibiwa.
Huku taarifa za jinsi wadukuzi hao walivyochukua chaneli ya Alikiba zikiwa hazijafahamika, si mwanamuziki huyo wala mtu mwingine yeyote katika timu yake ya usimamizi aliyetoa taarifa rasmi.
Hii sio mara ya kwanza kwa hitmaker huyo wa Mahaba kufaniwa hivyo.
Miaka michache iliyopita, wadukuzi walidhibiti akaunti yake ya YouTube na kusimamisha utazamaji wa video yake mpya ya wakati huo ‘Mvumo Wa Radi’.
Alikiba alitoa video ya wimbo wake unaoitwa ‘Mvumo Wa Radi’ na ikawekwa kwenye YouTube.
Kwa mshangao wake, utazamaji wa video ulisitishwa na maoni hayakuongezeka tena licha ya mashabiki wake wengi kuitazama.
Alikiba alipogundua hilo alizungumzia suala hilo kwenye mitandao yake ya kijamii.
Kwa sasa Alikiba yuko nchini Kenya kwa ziara yake ya kaunti inayosubiriwa kwa hamu huku akisherehekea miaka 20 katika tasnia ya muziki.
Ziara hiyo inatazamiwa kuanza Naivasha wakati wa Shindano la Dunia linalotarajiwa Juni 23.
Pia ataongoza tamasha kuu huko Malindi na Meru mnamo Julai 1 na Julai 8 mtawalia.
About The Author
