NHIF Yapewa Siku Saba Kulipa Wahudumu Wa Afya
Mwenyekiti wa Kamati ya Bunge ya Kitaifa ya Afya Robert Pukose, ambaye pia ni mbunge wa Endebess ameipa bima ya kitaifa ya afya NHIF siku saba kulipa bili ambazo hazijalipwa kwa wahudumu wa afya au mkuu wa Hazina aitwe kuelezea ucheleweshaji huo.
Akiongea huko kitale, Pukose amebaini kuwa wakenya wengi ambao wamejiandikisha kupokea bima ya kitaifa wanateseka baada ya kunyimwa huduma kwa kukosa pesa kutoka kwa bima inayomilikiwa na serikali.
Takriban asilimia 80 ya Wakenya hawana bima ya kibinafsi na wanategemea Hazina ya Kitaifa ya Bima ya Afya (NHIF) ambapo vile vile ni uti wa mgongo wa mpango wa bima ya afya ya Universal wa Rais William Ruto.
Katika hospitali za umma ambazo bado zinakubali kadi za NHIF kama njia ya malipo, huduma zinazolipiwa na bima hazipatikani au zinahitaji wagonjwa kutembelea vituo vya kibinafsi kwa vipimo vya gharama kubwa.
Waziri wa Afya Susan Nakhumicha wiki jana alisema hospitali zinadaiwa KES20 bilioni za NHIF na aliitaka Hazina ya Kitaifa kuharakisha malipo hayo.
Nakhumicha alisema anafahamu kuwa NHIF imekuwa ikihangaika kusalia kutokana na kiasi kikubwa cha pesa inayodaiwa na hazina.
Tayari, hospitali zote za kibinafsi za vijijini zinakwenda polepole, zikisukuma kutolewa kwa fedha kwa vituo vya robo ya Aprili hadi Juni 2023 ili kuendelea kutoa huduma.
About The Author
