Kinuthia Aacha Kumfuata “Bestie” Wake Sam Waweru Kungu Instagram
CONTENT creator nchini Kenya Kelvin Kinuthia amewaacha mashabiki wakikisia mambo si sawa kati yake na rafiki yake na mwigizaji wa video Sam Waweru baada ya kuchapisha ujumbe wa siri kwenye mitandao ya kijamii.
Kinuthia alishiriki ujumbe akiwashauri mashabiki kutomwamini kila mtu ikiwa ni pamoja na marafiki na kuongeza kuwa anatafuta mpiga picha wa video.
Sam Waweru kwa upande mwingine alishiriki chapisho akisema kuwa watu hubadilika wanapomaliza kuhitaji msaada.
“Inachekesha kuona watu wakibadilika wanapofikiri kwamba hawakuhitaji tena. Nyoka hujiweka wazi.” Akiongeza, “BAADHI YA WATU WALIKUWA MARAFIKI TU KWA SABABU ULIWAONA MARA TANO KWA WIKI.”
Mashabiki pia walibaini kuwa wawili hao wame-unfollow kwenye mitandao ya kijamii licha ya kufanya kazi pamoja kwa muda.
Katika mahojiano ya awali na Mungai Eve, Waweru alifunguka kuhusu uhusiano wake na Kinuthia akisema ni urafiki na kazi tu.
“Kuna watu wananiuliza kama nimehamia kwa Kinuthia nyumbani kwake na huwa nawaambia huwa namtembelea tu pale tunapofanya content na mimi nina sehemu yangu,. urafiki wangu naye, napuuza tu uzembe wakati mwingine.”
Waweru alisema kuwa hajutii kukutana na Kinuthia na kufanya naye kazi kwa sababu amemsaidia kukua kama content creator.
About The Author
