Nairobi Yaongoza Kwa Matumizi Ya Bangi
Ripoti iliyotolewa hivi karibuni imeorodhesha Nairobi kama eneo lenye kiwango cha juu zaidi cha matumizi ya bangi nchini.
Kulingana na utafiti wa kitaifa uliopewa jina la “Hali ya Matumizi ya Dawa za Kulevya (DSU) nchini Kenya, Nairobi ina kiwango kikubwa cha matumizi ya bangi kwa asilimia 6.3 ikifuatiwa na Nyanza (kwa Asilimia 2.4) na ukanda wa Pwani (kwa asilimia 1.9).
Ripoti iliyotolewa leo hii Ijumaa na Katibu Mkuu wa Mambo ya Ndani Raymond Omollo inaonyesha kuwa idadi ya watu wanaotumia bangi kwa sasa nchini kote imeongezeka kwa asilimia 90 katika miaka 5 iliyopita.
Wanaume wengi kuliko wanawake nchini walipatikana wakitumia bangi.
Utafiti huo umehusisha ongezeko la mahitaji ya bangi, hasa miongoni mwa vijana, na “mtazamo mdogo wa madhara kutokana na habari potofu na dhana potofu.”
Wakati uo huo, dawa inayotumiwa vibaya zaidi nchini inasalia kuwa pombe ikifuatiwa na tumbaku na bangi mtawalia.
About The Author
