Ferdinand Omondi Aelezea Kilichomfanya Kuacha Kuigiza Kwenye Tahidi High
Mwandishi wa Habari wa shirika la BBC Ferdinand Omondi amefichua kwa nini aliacha kuigiza kwenye kipindi cha Tahidi High ambacho kilikuwa kikizungumzia maisha ya wanafunzi wa shule za upili.
Katika mahojiano ya hivi majuzi kwenye YouTube katika sehemu ya ”On My, mwanahabari huyo alieleza kuwa aliambiwa achague kati ya kuwa ripota wa Citizen TV na mwigizaji katika kituo kimoja cha televisheni.
“Nilipothibitishwa katika runinga ya Citizen kama mwanahabari, nilikuwa bado nikiigiza katika Tahidi High na kulikuwa na mzozo kati ya Meshack Mule na mimi kama mwanahabari,” aliambia mtangazaji Patrick Obayi.
Kuwa mwigizaji ilimaanisha kuwa hangeweza kuwa mwandishi wa habari kutokana na kugongana kwa ratiba.
Siku ambazo alikusudiwa kufanya kipindi alitarajiwa pia kuripoti kwenye kituo hicho na wahariri wake walimfanya achague kati ya hizo mbili.
“Sikutaka kuondoka Tahidi High lakini kulikuwa na uamuzi wa mwisho na ilinibidi kuacha show,” alisema.
Omondi alibainisha kuwa alitaka kuacha kipindi hicho kwa kishindo kwa vile alikuwa ameteuliwa kuwania tuzo ya mwaka ya Chaguo La Teeniz lakini hilo halikutimia.
Omondi hapo awali alizungumza kuhusu ni kwa nini watangazaji wengi wa televisheni huvunjika moyo licha ya kulipwa vizuri.
“Kwa kuwa nimeishi Nairobi na Mombasa, naweza kusema kwa mamlaka fulani kwamba kiwango cha ustawi wa plastiki katika jiji kuu kinatia wasiwasi. Ukiwa Mombasa unaweza kusafiri upendavyo, endesha chochote unachotaka, ishi popote unapotaka. Hakuna anayejali.”
About The Author
